Þú með Hjólaþjálfun til Kanarí „Gran Canaria“ 27 mars 2019
Út með hjólið (racerinn) í sól með eðal félagsskap og klassa fararstjórum.

Vikuferð 27. mars – 3 apríl 2019
Verð kr 189.500.- á mann, miðað við 2 í herbergi.
Einnig mögulegt að vera einn (kr. 204.500.-) eða þrír í herbergi, hafið sambandi við Svönu hjá Vita.
(og ekkert mál að framlengja til 7 apríl, þá allt saman kr 228.500.- mv 2 í herbergi og 261.500.- mv einn í herb)

Stutt ferð, 4 nátta, 3 – 7 apríl 2019
Náum þar 3 heilum hjóladögum og svo líka fínum túr á heimferðardegi (flug brottför kl 16:40)
Verð kr 148.500.- á mann, miðað við 2 í herbergi.
Einnig mögulegt að vera einn (kr. 168.500.-) eða þrír í herbergi, hafið sambandi við Svönu hjá Vita.

Ath: Hjólataska í flug er ekki innifalin í verðinu, þú bætir henni við bókun fyrir 6.000.- kr hvora leið, ef þú vilt leigja hjól, þá mælum við með FreeMotion hjólaleigunni.

Innifalið
Beint flug með Icelandair til Gran Canary og til baka.
Vikuferð: Brottför Keflavík 27.mars kl. 9:30 koma til Kanarí kl. 14:40
Vikuferð: Brottför Kanarí 3.apríl kl. 16:40 koma til Keflavíkur kl. 21:00 (klukkan breytist um 1klst 3 apríl).

Stutt ferð: Brottför Keflavík 3.apríl kl. 9:30 koma til Kanarí kl. 15:40
Stutt ferð: Brottför Kanarí 7.apríl kl. 16:40 koma til Keflavíkur kl. 21:00B
23kg farangurstaska, 10kg handfarangur
Rúta til og frá flugvelli/hóteli úti.
Gisting á 4* hóteli í 7 nætur
Hálft fæði, sem er morgunmatur og kvöldmatur.
Gríðarlega skipulagðir og skemmtilegir fararstjórar og frábær félagsskapur.

Við erum ekkert að flækja þetta, það er sem sagt bara ALLT innifalið í þessu verði…  nema hjólataska í flug/leiga á hjóli og bjórinn sem þú mögulega svolgrar í þig eftir hjólatúrana.

BÓKUN FERÐAR
Bókanir fara fram í þessum link https://vita.is/hopabokanir með hópanúmerinu 1277
Söludeild VITA, Svana, gefur allar upplýsingar um bókanir (570-4444/svanaek@vita.is) en allar aðrar upplýsingar veitir María Ögn maria@hjolathjalfun.is
Staðfestingagjald er 40þúsund og þarf að greiðast alls ekki seinna en 31. janúar 2019! Fullgreiða verður ferðina 6 vikum fyrir brottför, sem er í lok febrúar.

Ferðin er ekki formlega auglýst á heimasíðu VITA og sést því ekki á síðu þeirra, en er að sjálfsögðu opin öllum að koma með, þarft alls ekkert að vera að æfa með Hjólaþjálfun til að koma með.

Fararstjórar
Eru María Ögn, Hafsteinn Ægir og Elvar Örn.

Að sjálfsögðu eru allir velkomnir með, stelpur, strákar og sama hvort fólk sé í Æfingahóp Hjólaþjálfunar eða ekki!
Burt séð frá getu einstaklingsins úti á hjólinu að þá er ferðin ekki ætluð algerum byrjendum í hjólreiðum, til dæmis þeir sem eru að fara í fyrstu skiptin á recer eða hafa ekki hjólað í smelltum hjólaskóm eða þeim sem eru að stíga upp úr sófanum rétt fyrir brottför og því er betra að æfa reglulega hjólreiðar eða iðka aðra hreyfingu fyrir ferðina.
Í ferðinni 27 mars – 3 apríl verður boðið upp á þrjá getuhópa sem við köllum Latte – Americano – Espresso.
Í ferðinni 3 – 7 apríl verður boðið upp á tvo getuhópa, Americano og Espresso og sú ferð því einungis ætluð miðlungs og betri hjólurum.

Hótelið og Kanarí
Hótelið heitir Club Maspalomas Suites and Spa https://www.clubmaspalomassuites.com/en/
Frekar mjög geggjað 4* hótel, ekki hótel með göngum og lyftu, heldur eru herbergin í litlum smáhýsum, alveg nýuppgert og staðsett á Maspalomas svæðinu, sem er mjög hentugt þegar velja á hjólaleiðir frá hóteli.
Stutt er í FreeMotion, sem er hjólaleiga, hjólreiðaverslun og verkstæði.
Kanarí býður upp á alveg frábærar hjólaleiðir og er stutt út í sveitina, það er mikið um hjólreiðafólk á svæðinu og lítið um umferð og umhverfið því vant hjólandi hópum sem skiptir miklu máli upp á öryggið og upplifun.

Á Kanarí er hægt að fara inn flata dali, hjóla svokallað rolling hills meðfram ströndinni, taka klifur allt frá mjög þægilegum halla 3-6% en líka hægt að fara í „The Wall“ sem er 22%, hægt að velja um styttri og lengri klifur, sem sagt fjölbreytt og stór kostur er að þarna er mjög lítil umferð.

Hjóladagar
Hver dagur verður settur upp með nákvæmum leiðakortum/Strava/GPS, alltaf tveir – þrír möguleikar í boði hvern dag.
Vegalengdir hvern dag verða á bilinu 30 – 140km+ enda alveg þrír getu hópar í boði!
Það fá allir áskorun við hæfi, bæði hraðari hjólarar og hægari.
Hversu langt er farið hvern dag fer mikið eftir því hver hækkun þess dags er, hver hjóladagur mun henta mismunandi getuhópum og hægt að velja eftir fíling hvers og eins þann daginn, einungis hjólað á racer götuhjólum. En mögulegt er að taka fjallahjóladag með Freemotion fararstjórum eða vini okkar frá Noregi, Martin Hugo sem er fararstjóri á eyjunni.
Stoppað verður á kaffihúsum og einhverja daga stoppað í lengra hádegishlé.
Lokaður facebook hópur mun sjá um að upplýsingaflæðið verði sem best til allra í hópnum varðandi hjóladagana og annað bæði fyrir og í ferðinni sjálfri.
Einnig er að sjálfsögðu hægt að fá aðstoð með leiðarval úti og setja það inn í Garmintæki ef fólk vill fara sjálft einhvern dag en ekki með hópnum.
Við munum einnig setja upp Þríþrautar-skipulag ef óskað er eftir því, miðum þá hjóladagana eftir því og blöndum inn hlaupi og sundi fyrir þá sem eru að stefna á þríþraut.

Típísk rútína dagsins
Ding dong!
Vaknað og farið í morgunmat.
Græja sig fyrir daginn.
Hittast fyrir utan hótelið um morguninn og lagt af stað kl 9:30
Rúllað af stað í hjólatúr dagsins.
Það fer allt eftir vegalengd og leið hvern dag, hvernig dagurinn þróast varðandi, kaffihús, hádegistjill og slíkt, en það er allt kynnt á facebook síðu hópsins fyrir hvern dag, því enginn dagur verður eins.
Í lok hjólatúrsins er alveg eðall að taka spjall og smá teygjur með hópnum við sundlaugabarinn eftir daginn, mjög ljúft að vera með einn ískaldann í annarri á meðan við teygjum okkur í tærnar með hinni.
Það fer síðan allt eftir lengd hjólatúrs hvers dags hve mikið er eftir af deginum og hvernig fólk nýtir þann tíma.
Um kvöldið borðar hópurinn saman á hótelinu, en að sjálfsögðu alltaf hægt að borða annarstaðar ef fólk vill heldur.

– Síðan er það haust ferð Hjólaþjálfunar til Calpe á Spáni sem verður farin 1. oktober 2019, flogið með Icelandair til Alicante. Sú ferð er að sjálfsögðu opin öllum að koma með, síðustu tvær haust ferðir með okkur hafa verið miklar para/hjóna ferðir. *Frekari upplýsingar væntanlegar þegar nær dregur*

Við erum að tala um að … lifa og njóta!
Svona hjólaferðir eru bestu fríin, algjör eðall.
María Ögn, Hafsteinn Ægir og Elvar Örn
maria@hjolathjalfun.is