Eftir gott haust á Íslandi þá er svo akkúrat að hoppa aðeins út svona áður en veturinn mætir.

Út með hjólið í sól með eðal félagsskap og klassa fararstjórum.

1 – 8 október 2019
Verð kr 169.500.- á mann, miðað við 2 í herbergi.
Verð kl 197.500.- á mann, miðað við 1 í herbergi.

Ath: Hjólataska í flug er ekki innifalin í verðinu, þú bætir henni við bókun fyrir 6000 kr hvora leið, en einnig eru góðar hjólaleigur í Calpe fyrir þá sem vilja það heldur.

Innifalið

  • Beint flug með Icelandair til Alicante og til baka
  • 1. Okt = Brottför Keflavík 16:00, koma til Alicante 22:20
  • 8. Okt = Brottför Alicante 23:20, koma til Keflavíkur 01:50 (eftir miðnætti). 
  • 23kg farangurstaska, 10kg handfarangur
  • Rúta til og frá flugvelli/hóteli úti
  • Gisting á 4* hóteli í 7 nætur
  • Hálft fæði, sem er morgunmatur og kvöldmatur
  • Gríðarlega skipulagðir og skemmtilegir fararstjórar og frábær félagsskapur

Við erum ekkert að flækja þetta, það er sem sagt bara ALLT innifalið í þessu verði… nema hjólataska í flug og bjórinn sem þú mögulega svolgrar í þig eftir hjólatúrana.

BÓKUN FERÐAR
Bókanir fara fram á hópabókunarsíðu VITA https://vita.is/hopabokanir með hópanúmerinu 1250
Söludeild VITA (Svana) gefur allar upplýsingar um bókanir ( 570-4444 / svanaek@vita.is ) en allar aðrar upplýsingar veitir María Ögn maria@hjolathjalfun.is eða í síma 775 9902
Staðfestingagjald greiðist við bókun 40þúsund, en fullgreiða verður síðan ferðina um 6 vikum fyrir brottför (lok ágúst).

Fararstjórar
Eru María Ögn, Hafsteinn Ægir og Elvar Örn, sem sagt fararstjórnar á heimsmælikvarða! En þau kunna sko vel að leiða mismunandi hópa og eru vön því að skipuleggja og stýra hjólatúrum, æfingum og ferðum erlendis.

Ferðin er sko að sjálfsögðu öllum opin að koma með, sama hvort þú hafir verið að æfa með Hjólaþjálfun eða ekki!
Ferðin hentar þó ekki byrjendum í hjólreiðum, til dæmis þeir sem eru að fara í fyrstu skiptin á götuhjól, hafa ekki hjólað í smelltum hjólaskóm eða þeim sem eru að stíga upp úr sófanum rétt fyrir brottför og því er betra að æfa reglulega hjólreiðar fyrir ferðina.

Hótelið  og Calpe

  • Hótel Diamantebeach https://www.diamantebeach.com/
  • Flott 4* hótel staðsett við ströndina í Calpe.
  • Calpe er gríðarlega mikið æfingasvæði hjólara, bæði almennings og atvinnuliða. Umferð og umhverfið er því vant hjólandi hópum sem skiptir miklu máli upp á öryggið og upplifun.
  • Hótel sem er vant því að taka á móti hjólahópum.
  • Læst aðstaða með öryggismyndavélum til að geyma hjólin eða hjólatöskurnar, líka ekkert mál að hafa hjólið inni á herbergi.
  • Góð aðstaða til að gera við og þrífa hjól.
  • Tveir fyrir einn aðgangur að spa https://www.diamantebeach.com/en/spa
  • Kaldur pottur við 14° sem má bæta ísmolum úr vél sem er við hliðina til að kæla enn frekar, ferlega næs eftir góðan hjóladag.
  • Þvottaþjónustan er einungis fyrir hjólreiðafólk, hótelið sér um að þvo fyrir þig, hver poki af þvotti kostar € 5.00
  • Frítt wifi á mjög góðum hraða á herbergjum https://www.diamantebeach.com/en/hotel/double-room

Hjóladagarnir
Hver dagur er settur upp með nákvæmum leiðakortum/strava/GPS, alltaf tveir til þrír möguleikar í boði hvern dag.
Vegalengdir hvern dag verða á bilinu 50 – 130km,  en skipulag hvers dags fer mikið eftir hæðahækkun leiðarinnar.
Það fá allir áskorun við hæfi, bæði hraðari hjólarar og hægari.
Hver hjóladagur mun henta mismunandi getuhópum og hægt að velja eftir fíling hvers og eins þann daginn, einungis hjólað á racer götuhjólum.
Stoppað verður á kaffihúsum og einhverja daga stoppað í lengra hádegishlé.
Við skipuleggjum hjóladaginn þannig að getuhóparnir hittist yfir daginn, þó þeir hjóli ekki saman eða jafn langt.
Lokaður facebook hópur mun sjá um að upplýsingaflæðið verði sem best til allra í hópnum, fyrir ferðina og þegar við erum úti.

Einnig er að sjálfsögðu hægt að fá aðstoð með leiðarval úti og setja það inn í Garmintæki ef fólk vill fara sjálft en ekki með hópnum.

Típísk rútína dagsins
Ding dong!
Vaknað og farið í morgunmat.
Græja sig fyrir daginn.
Hittast fyrir utan hótelið um morguninn og lagt af stað kl 9:30
Rúllað af stað í hjólatúr dagsins.
Það fer allt eftir vegalengd og leið hvern dag, hvernig dagurinn þróast varðandi, kaffihús, hádegistjill og slíkt, en það er allt kynnt á facebook síðu hópsins fyrir hvern dag, því enginn dagur verður eins.
Í lok hjólatúrsins er alveg eðall að taka spjall og smá teygjur með hópnum við sundlaugabarinn eftir daginn, mjög ljúft að vera með einn ískaldann í annarri á meðan við teygjum okkur í tærnar með hinni.
Það fer síðan allt eftir lengd hjólatúrs hvers dags hve mikið er eftir af deginum og hvernig fólk nýtir þann tíma.
Um kvöldið borðar hópurinn saman, alveg fínasti matur á hótelinu (vorum á þessu hóteli haustið 2018), en síðan er að sjálfsögðu hægt að skreppa út að borða annarstaðar ef þú vill það heldur.

Við erum að tala um að … lifa og njóta!
Svona hjólaferðir eru bestu fríin, algjör eðall.
María Ögn, Hafsteinn Ægir og Elvar Örn
maria@hjolathjalfun.is